கவுனி அரிசி புலாவ் | Black Rice Pulav in Tamil

தேவையானவை :

1. கவுனி அரிசி (பிளாக் ரைஸ்) - 1 கப்
2. பச்சை பட்டாணி - 1/4 கப்
3. நறுக்கிய கேரட் - 1/4 கப்
4. நறுக்கிய பீன்ஸ் - 1/4 கப்
5. பெரிய வெங்காயம் - 1 (நறுக்கவும்) சீரகம் - 1/2 டீஸ்பூன்
6. கருஞ்சீரகம் - 1/2 டீஸ்பூன்
7. மஞ்சள் தூள் - 1/2 டீஸ்பூன் மிளகாய்த்தூள் - 1/2 டீஸ்பூன்
8. உப்பு - தேவையான அளவு நல்லெண்ணெய் - 4 டீஸ்பூன்

செய்முறை:

• 4  கப் தண்ணீரில் அரசியை ஒரு இரவு முழுவதும் ஊறவைக்கவும். குக்கரில் எண்ணெய் ஊற்றி அது சூடானதும் சீரகம், கருஞ்சீரகம் ஆகியவற்றை கொட்டி கிளறுங்கள்.
• பின்னர் வெங்காயம்  பட்டாணி, கேரட், பீன்ஸ், ஆகியவற்றை கொட்டி வதக்கவும். 
• அவை நன்கு வதங்கியதும் மஞ்சள் தூள், மிளகாய் தூள், உப்பு சேர்த்து கிளறவும். 
• பின்னர் அரிசியையும் அதனை ஊற வைத்த தண்ணீரையும் ஊற்றி வேக வைக்கவும். 
• 8 விசில் வரும் வரை அல்லது 45 நிமிடங்கள் வேகவைத்து சாப்பிடலாம். சாதாரண அரிசியைவிட இந்த கருப்பு அரிசி மிகவும் ஏற்றது. 
• இதில் அதிக ஆன்டி-ஆக்ஸிடன்ட் புரதசத்து உள்ளடங்கி இருக்கிறது. இதனை தொடர்ந்து சாப்பிட்டு வந்தால் சர்க்கரை நோய் நெருங்காது,இதயத்திற்கும் நல்லது. கருப்பு அரிசிக்கு ஆன்டி கேன்சர் என்ற பெயரும் உண்டு. 
• முன்பு வசதி படைத்தவர்கள் மட்டுமே இந்த உணவை சாப்பிட்டார்கள். குறிப்பாக சீனாவில் வசதி படைத்தவர்கள் மட்டுமே இந்த உணவை உண்ண வேண்டும் என்று சட்டமும் இருந்தது.

குறிப்பு :

நீங்கள் பயன்படுத்தும் அரிசியில் பழசும் புதுசும் கலந்திருந்தால் வேகும் நிலையிலும் மாற்றம் ஏற்படும். அதனால் சரியான பதத்தில் நன்கு வேக வைத்து சாப்பிட வேண்டும்.